|
1. శ్రీ భగవానుడనెను: |
ప్రీతితో పార్థ! నన్ను నీ హృదిని నిలిపి, |
శరణుగొని నన్ను, యోగమా చరణ బూని |
నాసమగ్రస్వరూప వి జ్ఞాన మీవు |
సంశయము లేక గ్రహియించు సరణి వినుము |
|
|
|
2. |
ఎట్టి జ్ఞానము సిద్ధింప నితర మిలను |
తెలియదగినది మిగులంగ గలుగ బోదొ |
జ్ఞాన మది నేను విజ్ఞాన సహితముగను |
చెప్పుదును నీకు వినుము ని శ్శేషముగను |
|
|
|
3. |
మహిని వేలాది వేలైన మనుజు లందు |
సిద్ధి బొందగ యత్నము జేయు నొకడె, |
యత్నసిద్ధులు వేవుర యందు గూడ, |
తవిలి తెలియును నానిజ తత్త్వమొకడె |
|
|
|
4. |
పృథ్వి జలమగ్ని వాయువున్ విజయ! మరియు |
గగనమును, మనో బుద్ధ్యహం కారములుగ |
అష్టవిధముల నిట్లు నా యపర ప్రకృతి, |
భిన్నరూపములై పర్వు విశ్వమంత |
|
|
|
5. |
కాని పార్థ! యీ యపరము కన్న వేరె, |
జీవభూతముగా నేది చెలగు చుండి, |
యేది ధరియించునో జగ మెల్ల దీని, |
నదియె నా పరాప్రకృతియం చరయు మీవు |
|
|
|
6. |
సర్వభూతము లర్జునా! సంభవింప |
కారణములిట్టి ప్రకృతులు గాగ్రహింపు, |
సర్వజగతికి నిలయమౌ స్థాన మేను, |
ప్రభవమునకు, మఱిదాని ప్రళయమునకు |
|
|
|
7. |
అర్జునా! నా వినా జగ మందు నిచట, |
శ్రేష్ఠతరమైన దొకటి వే రేది లేదు, |
భూతజాలము నాయందె ప్రోత మయ్యె |
మణిగణము సూత్రమందున్న మాడ్కి మెఱసి |
|
|
|
8. |
జలమునందలి రసమను చవిని నేను, |
సూర్యరశ్మియు, చంద్రుని జ్యోత్స్న నేను, |
శబ్ద మాకాశమున, పౌరు షమును నరుల, |
ఎల్ల వేదములందు నోం కృతియు నేను |
|
|
|
9. |
పుణ్యగంధము నేనె యీ పుడమి యందు, |
జాతవేదుని యందు తే జమును నేను, |
సర్వభూతాల కాయువు సారమేను, |
వఱలు తపమును నేను, త పస్వులందు |
|
|
|
10. |
జగతి గల చరాచర భూత జాలమునకు, |
అరయుమీ సనాతనబీజ మంచు నన్ను, |
బుద్ధిమంతుల విజ్ఞాన బుద్ధి నేను, |
తేజుగలవార లందరి తేజ మేను |
|
|
|
11. |
కామరాగముల జయింప గలిగియున్న |
బలముగలవార లందలి బలము నేను, |
ధర్మవర్తనులైన భూ తములయందు |
కలుగు ధర్మసమ్మతమైన కామ మేను |
|
|
|
12. |
సత్త్వమును, రాజసము, తామ సంబులైన |
భూతభావము లెట్టివి పొడము నేని, |
తెలియు మవి యన్ని నానుండె కలుగు నంచు, |
అందు నే లేను, యవియె నా యందు కలవు |
|
|
|
13. |
త్రిగుణమయములౌ భావముల్ దీటుకొనగ, |
జగతియందలి యీ భూత జాలమెల్ల |
అరయకున్నది పార్థ! మో హమును బొంది, |
అవ్యయుని, త్రిగుణాతీతు నైన నన్ను |
|
|
|
14. |
త్రిగుణమయమైన నామాయ దివ్యమగుట |
దాటగా దాని బహుకష్ట తరము గాన, |
శరణు నన్నే యెవరు మన సార గొంద్రొ |
వారి కీమాయ దాటగ వశ్యమగును |
|
|
|
15. |
పాపకర్ములు, మూఢులు బండగులును |
మాయచే జ్ఞాననాశన మైన వారు, |
ఆసురంబైన భావము నాశ్రయించి |
నన్ను గొల్వరు నీచమా నవులు గాన |
|
|
|
16. |
నన్ను భజియించు సుజనులు నాల్గుతెగలు, |
అర్థకాములు, నిడుమల నార్తజనులు, |
జ్ఞానవంతులు, తత్త్వజి జ్ఞాసువులును |
పుణ్యజను లిట్లు గొల్తురు పురుషవృషభ! |
Play This Verse |
|
|
17. |
నిత్యభక్తిని నన్నేక నిష్ఠగొల్చు |
జ్ఞానియే పార్థ! శ్రేష్ఠుడా నల్వురందు, |
అట్టి జ్ఞానికి నేను అ త్యంత ప్రియుడ, |
ఆతడట్టులె నాకు న త్యంత ప్రియుడు |
Play This Verse |
|
|
18. |
కడునుదారులే వీరెల్ల గాని పార్థ! |
జ్ఞాని మాత్రము నాయాత్మ గానె తలతు |
నన్నె యుత్తమగతిగాగ నమ్మి వాడు |
ఏక చిత్తముతో నాశ్ర యించుగాన |
|
|
|
19. |
ఎన్ని యెన్నియో జన్మము లెత్తి తుదిని, |
అంతయును వాసుదేవ మ యమ్మటంచు |
జ్ఞానమును బొంది, నను జేర గలుగునట్టి, |
అమ్మహాత్మకు డెంతయు నరుదు పార్థ! |
Play This Verse |
|
|
20. |
వారి వారి పూర్వస్వభా వానుసరణి, |
కోరికలచేత జ్ఞానము కోలుపోయి, |
క్షుద్రదేవతల భజింత్రు కొంద ఱిలను, |
వాని వానికి నియమిత వ్రతము సలిపి |
|
|
|
21. |
ఇఛ్ఛతోభక్తు డెవ డెవం డెట్టి యెట్టి, |
ఇష్టదేవత శ్రద్ధతో నెలమి గొల్చు |
వాని వాని కా యామూర్తి భక్తియందె, |
నిశ్చలంబగు శ్రద్ధ నే నిలువనిత్తు |
|
|
|
22. |
భక్తుడట్టుల వాని దే వతను గూర్చి |
శ్రద్ధతోడను జేయ నా రాధనంబు, |
ఏనె విధియించు నవ్వాని యీప్సితముల |
పొందు నాతని దేవతా మూర్తి వలన |
|
|
|
23. |
అన్యదేవతాభక్తులౌ నల్పమతులు |
పొందు ఫలమన్నచో నంద మొందు నదియె, |
దేవతల బొందుచుందురు దేవయజులు, |
నాదు భక్తులు వత్తురు నన్నె చేర |
|
|
|
24. |
అవ్యయము, నిరతిశయ మైనయట్టి, |
పరమరూపము నాది వా రరయ లేక, |
రూపకుని జేసి, యవ్యక్త రూపు నన్ను, |
మనుజ మాత్రునిగా నెంత్రు మందమతులు |
|
|
|
25. |
యోగమాయాపరివృతులై యొప్పుచుంట, |
కానరా నందఱకును లో కాన నేను, |
మోహమున మున్గియుంట నీ మూఢజనులు, |
అరయగా జాల రజుడ న వ్యయుడ నన్ను |
|
|
|
26. |
కడచియున్న, గడచుచున్న గడువనున్న, |
కాలముల యందు భూతాల కాంతు నేను, |
కాన రానిది నా కెందుకలుగ బోదు, |
కాని నను మాత్ర మెవ్వడు గాంచ లేడు |
|
|
|
27. |
రాగవిద్వేషములు రెండు రగులు గొలుప, |
ద్వంద్వమోహము లందున దగులు కొనియు, |
పుట్టు నుండియె, నీసర్వ భూతములును |
మోహమును బొందియుండు, సం పూర్ణముగను |
|
|
|
28. |
పుణ్యకర్మలచేత నీ పుడమి జనుల |
పాప మెవ్వారి దంతయుభస్మ మగునొ, |
ద్వంద్వమోహములను వారు తగులు బాసి, |
ధృఢనియమ మూని నన్ను భ జించు చుంద్రు |
|
|
|
29. |
జరయు మరణమునుండి మో క్షమును గోరి, |
యత్న మొనరింతు రెవరు న న్నాశ్రయించి, |
వారలే సమగ్రముగ నా బ్రహ్మ నెఱిగి, |
అఖిలకర్మల నధ్యాత్మ నరయ గలరు |
|
|
|
30. |
తగగ నధిభూత, మధిదైవ తముని తోడ, |
ఎవ్వ రధియజ్ఞు తోడ న న్నెఱుగ గలరొ, |
అట్టివా రంత్యకాలము నందు గూడ, |
యుక్తచేతస్కులై తెలి యుదురు నన్ను |
|
|
|